Zer moduz zaudete?
Hemen duzue istorio berri bat egun hauetan irakurri eta galdera batzuk erantzuteko. Gustatuko zaizuela espero dut.
Ondo izan.Besarkada bat.
Jugatx
Otsoa eta txakurra
Otso argal eta goseti
batek ondo jandako txakur osasuntsu batekin egin zuen topo, eta honela galdetu
zion:
–Nola izan liteke, ni zu
baino indartsuagoa izanik, nik jatekorik ez aurkitzea eta goseak hiltzen
egotea?
Eta txakurrak:
–Kontua da nik ezin
hobeto zaintzen nauen nagusi bat zerbitzatzen dudala: ogia franko ematen dit
nik eskatu gabe eta bere soberakinak eskaintzen dizkit nik haren etxea
zaintzearen truke.
–Zu bai zoriontsu –esan
zuen otsoak, inbidiaz.
–Nahi baduzu –jarraitu
zuen txakurrak–, ni bezain ondo bizi zaitezke. Nahikoa duzu nire nagusiari
etxea babesten laguntzearekin.
–Ederki! –esan zuen
otsoak–, horrela aterpean eta nahi adina janari dudala biziko naiz, eta ez
orain bezala, basoetan zehar euritan eta elurretan janik aurkitu ezinik. Baina,
egon, egon! –oihu egin zuen. Zer duzu lepoan? Gorri-gorri duzu!
–Ez da ezer –erantzun
zuen txakurrak–. Kate batez lotzen naute ihes ez egiteko.
–Eta ez al dizute etxetik
ateratzen uzten?
–Inondik ere ez! –esan zuen
txakurrak.
–Bada, ez bazara libre–
otsoak–, zuretzat duzu hori guztia, baina nik ez dut ezer jakin nahi. Ez dut
zurea den ezer nahi, horretarako askatasunik gabe gelditu behar baldin badut.
La Fontaine
GALDERAK:
1.
Zein zegoen goseak?
…………………………………………………………………
2.
Zergatik zuen otsoak txakurraren
inbidia?
…………………………………………………………………
…………………………………………………………………
…………………………………………………………………
3.
Nork ematen zion txakurrari
jaten? Zeren truke?
…………………………………………………………………
…………………………………………………………………
…………………………………………………………………
4.
Zergatik ez zuen
otsoak, azkenean, txakurraren lekuan egon nahi?
…………………………………………………………………
…………………………………………………………………
…………………………………………………………………
…………………………………………………………………
5.
Zein izan nahiko
zenuke, txakurra edo otsoa? Zergatik?
…………………………………………………………………
…………………………………………………………………
…………………………………………………………………
…………………………………………………………………
…………………………………………………………………
…………………………………………………………………
Marraztu ipuina
irakurri ondoren burura datorkizuna:
iruzkinik ez:
Argitaratu iruzkina